O Instituto de Investigacións Sanitarias de Santiago (IDIS), constituído en xaneiro do 2008, é un dos 13 institutos de investigación sanitaria acreditados en todo o estado polo Instituto de Saúde Carlos III e o único en Galicia con este recoñecemento. O IDIS configúrase como un sistema de innovación e transferencia de coñecemento de marcado carácter traslacional, aproveitando e ampliando a colaboración histórica e o enorme potencial de sinerxías entre a Universidade de Santiago de Compostela e o Complexo Hospitalario Universitario de Santiago, entidades ás que están vinculados os máis de 50 grupos de investigación do Instituto.