Misión
A Xerencia de Xestión Integrada de Santiago de Compostela é a estrutura organizativa de xestión sanitaria integrada polos centros de asistencia primaria e hospitalaria da área de Santiago de Compostela pertencentes á rede sanitaria pública do Servizo Galego de Saúde. A súa prestación de servizos sanitarios céntrase nas necesidades da cidadanía e fundaméntanse na calidade, o desenvolvemento interdisciplinar e integral dos procesos asistenciais e a continuidade asistencial.
O Servizo de Reumatoloxía desenvolve a súa actividade dentro deste marco, coas seguintes misións:
- Atención integral e centrada no paciente con enfermidade reumatolóxica, desde o diagnóstico ao tratamento, cun seguimento próximo e coa maior calidade e eficiencias posibles.
- Actualización continua dos seus profesionais e compromiso coa docencia e a investigación.
- Ofertar os últimos avances terapéuticos, sempre desde a perspectiva da evidencia científica, adaptada á nosa realidade sociocultural e ao mellor aproveitamento posible dos recursos.
Visión
O Servizo de Reumatoloxía aspira a seguir sendo un referente na especialidade e alcanzar a excelencia clínica na atención á patoloxía reumatolóxica. Para iso potenciará a accesibilidade e actualizará permanentemente os coñecementos e competencias dos seus profesionais.
Valores
- Compromiso cos obxectivos do hospital e sentido de pertenza ao mesmo.
- Ética e respecto ás persoas, os seus dereitos e valores.
- Orientación ao paciente para satisfacer as súas necesidades e expectativas.
- Humanidade na atención e respecto polo paciente.
- Procura permanente da excelencia asistencial, docente e investigadora.
- Práctica da medicina baseada na mellor evidencia científica dispoñible.
- Relación entre profesionais baseada en accesibilidade, confianza e transparencia.
- Responsabilidade profesional, corporativa e social.
- Equidade na atención sanitaria.
- Esforzo para a utilización eficiente dos recursos.