O Servizo de Aparato Dixestivo é un centro de excelencia docente internacional na especialidade. O Servizo ofrece e realiza actividades docentes nas etapas de pregrado, posgrao, especializada e super-especializada.
Docencia de pregrado
- Formación teórica (clases teóricas) da materia de Aparato Dixestivo correspondente ao cuarto curso do Grao de Medicina da Facultade de Medicina da Universidade de Santiago de Compostela.
- Programa de prácticas e titorías de alumnos de terceiro, cuarto e sexto curso do Grao de Medicina da Facultade de Medicina da Universidade de Santiago de Compostela.
- Dirección e titoría de traballos de fin de grao (TFG) de alumnos de sexto curso do Grao de Medicina da Facultade de Medicina da Universidade de Santiago de Compostela.
Docencia de posgrao e formación especializada
- Dirección de teses doutorais correspondentes aos estudos de terceiro ciclo da Facultade de Medicina da Universidade de Santiago de Compostela.
- Formación especializada de Médicos Internos Residentes da especialidade de Aparato Dixestivo. O Servizo está acreditado para a formación de dous médicos residentes anuais.
- Formación especializada en áreas específicas da especialidade (enfermidades do páncreas, ecoendoscopia, CPRE e endoscopia avanzada, enfermidade inflamatoria intestinal, enfermidades hepáticas) de Médicos Internos Residentes da especialidade de Aparato Dixestivo procedentes doutros centros sanitarios de España.
Formación super-especializada
- O Servizo de Aparato Dixestivo deseñou e desenvolveu o International Center for Education and Development in Gastroenterology (ICEDIG) xestionado pola Fundación Ramón Domínguez do Complexo Hospitalario Universitario de Santiago de Compostela. A través de ICEDIG o Servizo de Aparato Dixestivo ofrece distintos programas de formación super-especializada para médicos especialistas de todo o mundo. Entre estes programas atópanse:
- Programas Masterclass en Enfermidades do Páncreas e Insuficiencia Pancreática Exocrina.
- Programas Masterclass en Enfermidade Inflamatoria Intestinal.
- Programas Masterclass en Ecografía Endoscópica
- Programas de estadías prolongadas ou fellowship para formación super-especializada en:
- Ecografía endoscópica
- Colangiopancreatografía retrógrada endoscópica
- Endoscopia dixestiva avanzada
- Enfermidades do Páncreas
- Enfermidade Inflamatoria Intestinal
Máis información sobre estes programas está dispoñible na web www.icedig.info.